«Պարտվող կողմը չի կարող պայմաններ թելադրել»․ Մեհդի Մոհամմադի

ԱՄՆ նախագահ Դոնալդ Թրամփի՝ Իրանի հետ հրադադարի ռեժիմը երկարաձգելու որոշումը ոչ մի նշանակություն չունի, հայտարարել է Իրանի խորհրդարանի նախագահի խորհրդական Մեհդի Մոհամմադին։

«Պարտվող կողմը չի կարող պայմաններ թելադրել: Իսկ ծովային շրջափակման շարունակումը ոչնչով չի տարբերվում հարվածներ հասցնելուց, և դրան պետք է ռազմական պատասխան տալ։ Բացի այդ, հրադադարի շարունակությունն ԱՄՆ-ին պետք է ժամանակ շահելու համար»,- գրել է Մոհամադին՝ X սոցիալական ցանցի իր էջում։

Ավելի վաղ ԱՄՆ նախագահ Դոնալդ Թրամփը հայտարարել էր, որ Պակիստանի խնդրանքով որոշել է երկարաձգել հրադադարի ռեժիմը, սակայն Իրանի ծովային շրջափակումը կշարունակվի։