ԱՄՆ ռազմածովային ուժերի ղեկավարը հրաժարական է տվել

Միացյալ Նահանգների ռազմածովային ուժերի նախարար Ջոն Ֆելանը հրաժարական է ներկայացրել։ Այս մասին հայտնել է Փենթագոնի հասարակայնության հետ կապերի գծով նախարարի օգնական Շոն Փարնելը:

Նա հրաժարականի պատճառները չի նշել և հայտնել է, որ ռազմածովային ուժերի նախարարի ժամանակավոր պաշտոնակատար կդառնա Ֆելանի առաջին տեղակալ Հանգ Ցաոն:

The Wall Street Journal-ը՝ հղում կատարելով աղբյուրներին հաղորդում է, որ Ջոն Ֆելանի հրաժարականին նախորդել է Փենթագոնի ղեկավար Փիթ Հեգսեթի հետ ամիսներ շարունակ աճող լարվածություն։ Աղբյուրների հաղորդմամբ՝ Հեգսեթը և նրա առաջին տեղակալ Սթիվեն Ֆեյնբերգը դժգոհ էին Ֆելանի և ԱՄՆ նախագահ Դոնալդ Թրամփի մտերիմ հարաբերություններից։