«Ինչով է պայմանավորված Փաշինյանի ու ՔՊ-ի ատելությունն ազգայինի նկատմամբ». Արամ Աբրահամյան

«Առավոտ» օրաթերթի գլխավոր խմբագիր Արամ Աբրահամյանն իր հրապարակած տեսաուղերձում բացատրում է. «Ինչո՞ւ են Նիկոլ Փաշինյանը, ՔՊ-ականները, համախոհներն այդքան ատելությամբ լցված այն ամենի նկատմամբ, ինչը մեր ազգն ստեղծել է դարերի ընթացքում: Դուք կասեք՝ դա Ալիևի և Էրդողանի հանձնարարականն է: Իհարկե դուք ճիշտ կլինեք, բայց կա նաև սոցիալ հոգբանական տարր՝ ռեսենտիմենտ, բառը կիրառել է դեռ Նիցշեն: Բարոյապես ինտելեկտուալ առումով ճնշված, խեղճացած մարդիկ, որոնք չունեն արմատներ, «բեքգրաունդ», երբ նրանց ձեռքն իշխանություն է ընկնում, փորձում են յուրահատուկ վրեժ լուծել այն ամենից, ինչը տեղի է ունեցել առանց իրենց, այն նվաճումներից, որոնք մարդիկ ունեցել են առանց իրենց: Դրա վառ օրինակն է եկեղեցին ղեկավարելու, տիրելու՝ Փաշինյանի մտասևեռումը»: