«Թրամփը խորհրդականներին ասել է, որ գոհ չէ Իրանի վերջին առաջարկից»․ #NYT

ԱՄՆ նախագահ Դոնալդ Թրամփը չի ընդունի Իրանի վերջին առաջարկը, որը նախատեսում է Հորմուզի նեղուցի բացում, սակայն միջուկային ծրագրի հարցը թողնում է հետագա բանակցությունների համար: Այս մասին հայտնում է The New York Times-ը՝ հղում կատարելով քննարկումների ընթացքին ծանոթ մի քանի աղբյուրների:

Նրանց խոսքով՝ ԱՄՆ նախագահ Դոնալդ Թրամփը իր խորհրդականներին հայտնել է, որ գոհ չէ Հորմուզի նեղուցի աշխատանքը վերականգնելու և պատերազմը դադարեցնելու վերաբերյալ Իրանի վերջին առաջարկից։ Բացի այդ, Սպիտակ տանը տեղի ունեցած խորհրդակցության ընթացքում քննարկվել է, թե ինչ լրացուցիչ ռազմական գործողություններ կարող են անհրաժեշտ լինել ԱՄՆ-ին՝ Թեհրանին ստիպելու համար բանակցությունների ընթացքում գնալ էական զիջումների։

CNN-ը, հղում կատարելով իրավիճակին ծանոթ իր աղբյուրներին, նույնպես հաղորդում է, որ Թրամփը, հավանաբար, չի ընդունի այն առաջարկը, որը վերջին օրերին ներկայացվել է ԱՄՆ-ին։ Իսկ Wall Street Journal-ի աղբյուրների հաղորդմամբ՝ Վաշինգթոնը, հավանաբար, «առաջիկա օրերին» Թեհրանին կներկայացնի իր պատասխանը։