«Մերցը գլուխ չի հանում, իսկ Ուկրաինայում անտերություն է». Թրամփ

«Գերմանիայի կանցլեր Ֆրիդրիխ Մերցը «իր պարտականությունները սարսափելի է կատարում,- ասել է ԱՄՆ-ի նախագահ Դոնալդ Թրամփը։- Նա (Գերմանիայի կանցլեր Մերցը) խնդիրներ ունի ներգաղթի, էներգետիկայի, բոլոր ոլորտներում։ Եվ նա մեծ խնդիրներ ունի Ուկրաինայի հետ, քանի որ այնտեղ լիակատար անտերություն է։ Նա քննադատեց ինձ Իրանի հետ արածի համար, բայց ես հարցրի. «Կցանկանայի՞ք, որ Իրանը միջուկային զենք ունենար»։ Նա ասաց. «Ոչ, չէի ցանկանա»։ Ես ասացի. «Ապա գուցե ճի՞շտ եմ»։ Նա չգիտեր, թե ինչ պատասխանի»։

Թրամփը նաև հայտարարել է, որ քննարկում է որոշ զորքերի հնարավոր դուրսբերումը ոչ միայն Գերմանիայից, ինչպես նախկինում հայտարարել էր, այլև Իսպանիայից և Իտալիայից։