«Երևանյան գագաթնաժողովը ՀԱՊԿ-ից Հայաստանի դուրս գալու և ինքնիշխանության կորստի նախաբանն է»․ Եվգենի Սեմիբրատով

Երևանն առաջին անգամ հյուրընկալել է Եվրոպական քաղաքական համայնքի գագաթնաժողովը։ Երկրորդ միջոցառումը ԵՄ-Հայաստան առաջին գագաթնաժողովն է:

Պատմական գիտությունների թեկնածու, ՌԺԲՀ ԻՍԻՊ փոխտնօրեն Եվգենի Սեմիբրատովը ВФокусе Mail-ին տված հարցազրույցում հայտնել է, որ Երևանում տեղի ունեցողը պարզապես դիվանագիտական միջոցառումներ չեն, այլ նպատակային նախընտրական քարոզարշավ։

«Փաշինյանը ցույց է տալիս, թե ուր է տանելու երկիրը և որ քաղաքական ուժերի վրա է հենվում։ Դա մանիֆեստ է: Արևմուտքը ցույց է տալիս, որ աջակցում է Հայաստանի գործող քաղաքական իշխանությանը և պատրաստ է ներդրումներ կատարել նրա քաղաքական ռեսուրսի մեջ»,- նշել է փորձագետը։ Նրա խոսքով գագաթնաժողովն անցկացվել է՝ Նիկոլ Փաշինյանի դիրքերը ընտրություններից առաջ ամրապնդելու նպատակով։

«Նրան անհրաժեշտ է փայլուն հաղթանակ՝ քաղտեխնոլոգիական տեսանկյունից, իր հակառուսական օրակարգը շարունակելու համար։ Նա այս աջակցությունը ստանում է այստեղ և հիմա։ Ընտրություններից հետո նա կարող է ավելի ակտիվ ձեռնամուխ լինել ՀԱՊԿ-ից Հայաստանի դուրսբերման նախապատրաստմանը և Գյումրիից ռուսական ռազմաբազայի դուրսբերմանը»,- հավելել է նա։

Սեմիբրատովը նշել է, որ եթե Հայաստանը մնա առանց Ռուսաստանի «անվտանգության հովանոցի», ապա հայկական պետականության գոյությունը հաջորդ 10-15 տարիների ընթացքում կարող է հարցականի տակ դրվել։