««Ազատություն նախագիծը» կարճ ժամանակով կդադարեցվի»․ Թրամփ

ԱՄՆ-ն ժամանակավորապես դադարեցրել է Հորմուզի նեղուցում նավերի ուղեկցման «Ազատության նախագիծ» առաքելությունը, հայտնել է ԱՄՆ նախագահ Դոնալդ Թրամփը։

«Հիմնվելով Պակիստանի և այլ երկրների դիմումների վրա, ինչպես նաև հաշվի առնելով այն փաստը, որ Իրանի ներկայացուցիչների հետ ամբողջական և վերջնական համաձայնագրի հասնելու ուղղությամբ զգալի առաջընթաց է արձանագրվել, մենք փոխադարձ համաձայնության ենք եկել, որ չնայած շրջափակումը կմնա լիարժեք ուժի մեջ, «Ազատություն նախագիծը» կարճ ժամանակով կդադարեցվի՝ տեսնելու համար, թե արդյոք կհաջողվի վերջնականացնել և ստորագրել համաձայնագիրը»,- գրել է նա՝ Truth Social սոցիալական ցանցում։