«Զելենսկիի այցը Երևան ցույց տվեց, թե ինչ ապագա է պատրաստում ԵՄ-ն Հայաստանի համար»․ Զախարովա

Վլադիմիր Զելենսկիի այցը Երևան ցույց տվեց հայերին, թե ինչ ապագա է նրանց համար պատրաստում Եվրոմիությունը։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

«Ես անձամբ կարծում եմ, որ հիանալի է, որ Վլադիմիր Զելենսկին այս օրերին այցելել է Երևան։ Թող Հայաստանի քաղաքացիները տեսնեն, թե ով է Բրյուսելի համար իրենց հաջող քաղաքականության խորհրդանիշը… Հենց Զելենսկիի այցը Երևան ցույց տվեց Հայաստանի քաղաքացիներին այն ապագան, որը նրանց համար նախապատրաստել է Եվրոպական միությունը։ Հոտնկայս ծափահարում եմ։ Ոչ, սա սխալ չէ։ Սա իսկական նվեր է։ Հայ ժողովրդին ցույց տալ բրյուսելյան սնածուին, որը դարձել է այն ամենի մարմնացումը, թե ինչ է անում Եվրոպական միությունը այսպես կոչված երիտասարդ ժողովրդավարությունների հետ», - ասել է նա ճեպազրույցի ընթացքում։