«Հայաստանը կարծես թե չի նկատել Զելենսկիի նողկալի հարձակումները Ռուսաստանի հասցեին». ՌԴ ԱԳՆ

Երևանը կարծես ուշադրություն չի դարձրել Վլադիմիր Զելենսկիի կողմից Մոսկվայի հասցեին հնչեցված հայտարարություններին՝ նրա Հայաստան կատարած այցի ընթացքում։ Այս մասին ТАСС-ին տված հարցազրույցում հայտնել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը:

«Իհարկե, Մոսկվայում արձանագրել են Բրյուսելի կողմից ակնհայտորեն ներշնչված Զելենսկու այցը Երևան, նրա հակառուսական նողկալի հարձակումները, որոնք հայկական կողմը ջանասիրաբար չէր նկատում»,- նշել է դիվանագետը։

Հիշեցնենք, որ Երևանում կայացած գագաթնաժողովի ժամանակ Ուկրաինայի նախագահ Վլադիմիր Զելենսկին հայտարարել էր․ «ՌԴ-ն մայիսի 9-ին շքերթ է կազմակերպելու Մոսկվայում․ չեն կարողանալու թույլ տալ իրենց ռազմական տեխնիկա ցույց տալ․ վախ սփռող ԱԹՍ-ները բզզալու են Կարմիր հրապարակի վրա»։