«Փաշինյանը հայտարարել է, որ Ղարաբաղը «մերը չէր»․ Հայաստանն ու Ադրբեջանը նայում են դեպի ապագա»․ #Euronews

«Հայաստանի վարչապետ Նիկոլ Փաշինյանը հանգստյան օրերին ցնցեց հայկական հասարակությանը՝ ինչպես երկրի ներսում, այնպես էլ երկրից դուրս, հայտարարելով, որ Ղարաբաղը հայկական չէր, և որ Հայաստանի «ղարաբաղյան շարժումը մեզ համար ճակատագրական սխալ էր»,- գրում է Euronews-ը։

«Կիրակի օրը հայկական լրատվամիջոցներում լայնորեն տարածված տեսանյութում Փաշինյանը հակադարձում է այն մեղադրանքներին, թե Հայաստանը «կորցրել է» Ղարաբաղը՝ բազմիցս հարցնելով. «Ինչպե՞ս է այս հողը դարձել մերը։ Ինչպե՞ս է այն մերը եղել։ Խնդրում եմ բացատրեք, թե ինչպես է այն դարձել մերը»։

Իր ելույթում Հայաստանի վարչապետը շեշտել է իր որոշումը՝ շարունակել Ադրբեջանի հետ պատմական խաղաղության գործընթացը՝ Ղարաբաղի շուրջ տասնամյակներ տևած ողբերգություններից հետո։

Փաշինյանի ցնցող հայտարարությունը հնչել է Եվրոպական քաղաքական համայնքի պատմական համաժողովից և ԵՄ-Հայաստան գագաթնաժողովից ընդամենը մի քանի օր անց, որոնք ընդգծեցին Հայաստանի ուղերձը աշխարհին, և հատկապես Ռուսաստանին, որ այն այժմ վճռականորեն սկսել է եվրոպամետ ուղի՝ տասնամյակներ տևած հակամարտությունից հետո Ադրբեջանի հետ խաղաղություն հաստատելով։

Հունիսին Հայաստանում կայանալիք ընտրությունների նախաշեմին, Փաշինյանի արտառոց հայտարարությունը սահմանում է նրա կառավարության դիրքորոշումը. երկիրը վճռականորեն նայում է դեպի եվրոպամետ ապագա՝ Հարավային Կովկասում խաղաղության պայմաններում, որն արդեն իսկ լայն տնտեսական հնարավորություններ է բացում Հայաստանի, Ադրբեջանի և ամբողջ տարածաշրջանի համար»,- գրում է լրատվամիջոցը։