«Թրամփը դիտարկում է Իրանի դեմ պատերազմի վերսկսումը». #CNN

ԱՄՆ նախագահ Դոնալդ Թրամփը լրջորեն է դիտարկում Իրանի դեմ լայնածավալ ռազմական գործողությունը վերսկսելու տարբերակը։ Այս պնդմամբ հանդես է եկել CNN-ը՝ հղում կատարելով ԱՄՆ առաջնորդի անանուն օգնականներին։

Նրանց տեղեկություններով՝ Սպիտակ տան ղեկավարի համբերությունը սպառվում է Հորմուզի նեղուցի շարունակական փակման, ինչպես նաև այն պատճառով, որ Իսլամական հանրապետությունը էական զիջումների չի գնում, ինչն ամերիկյան վարչակազմի ղեկավարը վերագրում է իրանական իշխանությունների շրջանում առկա տարաձայնություններին։

Լրատվամիջոցի հաղորդմամբ՝ Սպիտակ տանը կան մի քանի ճամբարներ, որոնք Թեհրանի հետ կապված հետագա քայլերի վերաբերյալ տարբեր առաջարկներ են ներկայացնում. ամերիկյան վարչակազմի որոշ ներկայացուցիչներ հանդես են գալիս ավելի ագրեսիվ մոտեցման օգտին, որը կներառեր Իրանի դեմ հարվածներ՝ Իսլամական հանրապետության դիրքերը թուլացնելու նպատակով, մյուսները շարունակում են հանդես գալ դիվանագիտական ջանքերի շարունակության օգտին։