«Իրանը հնարավոր է համարում ԱՄՆ-ի հետ բանակցությունները»․ Փեզեշքիան

Իրանի նախագահ Մասուդ Փեզեշքիանը հայտարարել է, որ Թեհրանը հնարավոր է համարում ԱՄՆ-ի հետ բանակցությունները: «Չնայած հակառակորդի հանդեպ անվստահությանը, Իրանի Իսլամական Հանրապետությունը հնարավոր է համարում բանակցությունները՝ արժանապատվության, իմաստության և նպատակահարմարության դիրքերից»,- նախագահի խոսքերը մեջբերում է նրա մամուլի ծառայությունը:

Ավելի վաղ ԱՄՆ նախագահ Դոնալդ Թրամփն անընդունելի էր համարել Իրանի պատասխանը հակամարտության կարգավորման վերաբերյալ ԱՄՆ առաջարկին, սակայն ավելի ուշ չէր բացառել, որ Վաշինգթոնն ու Թեհրանը կարող են դիվանագիտական համաձայնության հասնել ռազմական գործողություններն ավարտելու հարցում։