«Փաշինյանը նվաստացրել և վիրավորել է Ռուսաստանին»․ Գենադի Զյուգանով

Փաշինյանը նվաստացրել և վիրավորել է Ռուսաստանին: Այս մասին ասել է ՌԴ Կոմունիստական կուսակցության առաջնորդ 81-ամյա Գենադի Զյուգանովը: Ելույթ ունենալով լիագումար նիստում՝ նա հայտարարել է, որ վրդովված է Ուկրաինայի նախագահ Վլադիմիր Զելենսկիի՝ Երևանում Եվրոպական քաղաքական համայնքի գագաթնաժողովում ունեցած ելույթից: «Ամեն ինչ կարող էի պատկերացնել, բացի նրանից, որ Երևանից ձայներ կհնչեն՝ Կարմիր հրապարակը գնդակոծելու սպառնալիքով»,- ասել է նա:

Նա նաև քննադատել է Հայաստանի իշխանություններին՝ Զելենսկիին հարթակ տրամադրելու համար։ «Հարց է առաջանում. ինչո՞ւ են նրանք դա թույլ տալիս Երևանում և ինչո՞ւ են Փաշինյանին ընդունում Մոսկվայում։ Ես պնդում եմ, որ այս գործիչը, անկախ նրանից, թե ինչպես են քվեարկելու նրա օգտին, այլևս երբեք չհայտնվի մեր մայրաքաղաքում»,- ասել է Զյուգանովը։