Լատվիայի վարչապետը հրաժարական է տվել

Լատվիայի վարչապետ Էվիկա Սիլինան հրաժարական է տվել, հաղորդում են տեղական լրատվամիջոցները։ Կառավարական կոալիցիայի մաս կազմող «Առաջադեմները» կոչ են արել հանրապետության նախագահ Էդգարս Ռինկևիչսին խորհրդակցություններ սկսել նոր կառավարություն ձևավորելու վերաբերյալ։

Սիլինայի հրաժարականի որոշումը հաջորդել է նրա՝ «Առաջադեմների» ներկայացուցիչ, պաշտպանության նախարար Անդրիս Սպրուդսին պաշտոնից ազատելու որոշմանը՝ Լատվիայի տարածք թռչող անօդաչու թռչող սարքերի հետ կապված դեպքերից հետո։

Սպրուդսը հայտարարել է իր հրաժարականի մասին՝ ստանձնելով միջադեպերի քաղաքական պատասխանատվությունը։ Սակայն «Առաջադեմներ» կուսակցությունը հայտարարել է, որ վարչապետն ի վիճակի չէ պատասխանատու կերպով ղեկավարել կառավարությունը, և որ երկու ելք կա՝ կամ անվստահություն հայտնել, կամ վարչապետն ինքը պետք է հրաժարական տա։