«Բանակցությունների գլխավոր խնդիրը ԱՄՆ-ից եկող հակասական ազդակներն են»․ Արաղչի

Հակամարտության կարգավորման շուրջ ԱՄՆ-ի հետ բանակցությունների հիմնական դժվարությունը Վաշինգթոնից եկող հակասական հաղորդագրություններն են։ Այս մասին հայտարարել է Իրանի ԱԳ նախարար Աբբաս Արաղչին։

«Նրանք չեն կարող ռազմական ճանապարհով հասնել իրենց նպատակներին, սակայն եթե ընտրվի դիվանագիտության ուղին, իրավիճակն այլ կլինի։ Մենք արդեն սկսել ենք համագործակցել, բայց, ինչպես գիտեք, ճանապարհին շատ խնդիրներ կան։ Ամենագլխավորը հակասական ազդակներն են, որոնք մենք ստանում ենք ամերիկյան կողմից տարբեր հայտարարությունների, հարցազրույցների և պաշտոնական դիրքորոշումների արտահայտման միջոցով»,- ասել է նա՝ հնդկական Doordarshan-ին տված մեկնաբանության մեջ։

Արաղչիի խոսքով՝ Վաշինգթոնում արդեն հասկացել են, որ Իրանի դեմ ռազմական գործողությունների միջոցով չեն կարողանա որևէ նպատակի հասնել։