«Փենթագոնն Իրանի դեմ հարվածների ծրագրեր է պատրաստել». #CNN

ԱՄՆ նախագահ Դոնալդ Թրամփը հանգստյան օրերին խորհրդակցություն է անցկացրել ազգային անվտանգության թիմի հետ՝ քննարկելու Իրանի նկատմամբ Վաշինգթոնի հետագա հնարավոր գործողությունները, հաղորդում է CNN-ը։ Հանդիպմանը ներկա են եղել նաև փոխնախագահ Ջեյ Դի Վենսը, պետքարտուղար Մարկո Ռուբիոն, ԿՀՎ ղեկավար Ջոն Ռեթքլիֆը և Թրամփի հատուկ բանագնաց Սթիվ Ուիթքոֆը:

Նշվում է, որ Սպիտակ տան ղեկավարը շաբաթվա ընթացքում կրկին հանդիպում կանցկացնի ազգային անվտանգության թիմի ներկայացուցիչների հետ։

Լրատվամիջոցը հաղորդում է, որ Փենթագոնը մի քանի ծրագիր է պատրաստել Իրանի դեմ հարվածների համար, եթե Թրամփը որոշի վերսկսել ռազմական գործողություններն Իսլամական Հանրապետության դեմ: CNN-ի հաղորդմամբ՝ թիրախների ցանկում ներառված են Իրանի էներգետիկ օբյեկտներն ու ենթակառուցվածքները: