Քենիայի աղջիկների դպրոցում բռնկված հրդեհի հետևանքով է 16 աշակերտուհի է զոհվել

1015

Հինգշաբթի, 28 մայիսի, 2026 թ., 14:04

Քենիայի մայրաքաղաք Նայրոբիից մոտ 120 կմ արևմուտք գտնվող Գիլգիլի գիշերօթիկ դպրոցում բռնկված հրդեհի հետևանքով տասնվեց աշակերտուհի է զոհվել։ BBC-ի հաղորդմամբ՝ այս մասին լրագրողներին հայտնել է դեպքի վայրում գտնվող ոստիկանը։ Նրա խոսքով առնվազն 74 աշակերտուհի վնասվածքներով հոսպիտալացվել է։

Քենիայի Կարմիր խաչի և ոստիկանության տվյալներով՝ հրդեհը սկսվել է առավոտյան վաղ ժամերին, երբ աշակերտուհիները քնած են եղել։ Ոստիկանությունը հայտնել է, որ որոնողական-փրկարարական աշխատանքները շարունակվում են, իշխանությունները դեռևս չեն պարզել հրդեհի պատճառը։