«ՀՀ-ն ՌԴ-ի հետ հարաբերություններն ընկալում է որպես գործիք»․ Զախարովա

Երևանը Մոսկվայի հետ հարաբերություններն ընկալում է որպես գործիք, հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:

«Անզեն աչքով էլ պարզ է, որ Մոսկվայի հետ հարաբերությունները (Հայաստանի կողմից - խմբ.) ընկալվում են որպես մարտավարական գործիք՝ եվրոպական ուղու վերակողմնորոշումը ֆինանսապես ապահովելու համար», - ասել է Զախարովան ճեպազրույցի ժամանակ։

Նա նաև նշել է, որ Ռուսաստանի նկատմամբ Հայաստանի ներկայիս քաղաքականությունը դժվար է հավասարակշռված անվանել։