«Շան տեղ մի՛ դրեք ՔՊ-ի սպառնալիքները, եկեք ՀՀ և քվեարկեք»․ Նաիրի Հոխիկյան

Հանրային գործիչ, լրագրող Նաիրի Հոխիկյանը ֆեյսբուքյան էջում գրել է․ «ՔՊ-ն սպառնում է, թե ընտրությունների օրերին ով Սփյուռքից եկավ Հայաստան, իրենք բռնելու են տանեն բանակ՝ 25-օրյա վարժական հավաքների։
Մի քանի ամիս առաջ նմանատիպ սպառնալիքով վախեցնում էր նաև ՔՊ-ական տխրահռչակ պատգամավորներից մեկը, թե ով քննադատեց Նիկոլին, տանելու են սահման։
Սիրելի հայրենակիցներ, նախ այդ սպառնալիքը իրականության հետ կապ չունի։ Եթե մարդը բնակվում է դրսում և գալիս է հայրենիք՝ քվեարկելու, ոչ ոք իրավունք չունի նրան մի քանի օրվա ընթացքում բռնել տանել սահման։ Բացի այդ, եթե տվյալ մարդը հավաքների ենթակա է, ապա անկախ նրա գտնվելու վայրից, պետք է ուղարկած լինեին ծանուցագիր, որ վերադառնա Հայաստան ու գնա վարժական հավաքների։
Հետևաբար, շան տեղ մի դրեք ՔՊ-ի սպառնալիքները և եթե դրսում եք ապրում և ուզում եք գալ Հայաստանում քվեարկել, ապա եկեք և քվեարկեք։ Ձեզ ոչինչ չի սպառնում։
Ի վերջո, հայրենիքին ծառայելը ոչ թե պատիժ է, այլ առավելություն»։