«Փաշինյանի վերընտրությամբ Արևմուտքը նպատակ ունի ներքաշել ՀՀ-ն ՌԴ-ի դեմ պատերազմի մեջ»․ Հայկ Այվազյան

«Լույս» տեղեկատվական-վերլուծական կենտրոնի տնօրեն Հայկ Այվազյանի ֆեյսբուքյան գրառումը․ «Երբ Փաշինյանը սպառնում է Ռոբերտ Քոչարյանին, Գագիկ Ծառուկյանին և Սամվել Կարապետյանին բանտով, ապա դա ուղղակի Փաշինյանի վրեժխնդրության ցանկությունից չի գալիս։
Փաշինյանի վերընտրությամբ Արևմուտքը ունի նպատակ ներքաշել Հայաստանը Ռուսաստանի դեմ պատերազմի մեջ։ Սկզբում դա կլինի քաղաքական, տեղեկատվական, տնտեսական ոլորտներում, իսկ հետո հերթը կհասնի նաև ռազմականին։ Տարբեր ճակատներում ռուսական բանակի դեմ ռազմական գործողություններում ՆԱՏՕ-ն իր զինվորների փոխարեն ուզում է օգտագործել այլ երկների զինվորականներին։
Եվ այն հայաստանյան գործիչները, ովքեր իրենց գործունեությամբ կարող են այս կամ այն ձևով խոչընդոտել Ռուսաստանի դեմ պատերազմի մեջ Հայաստանին ինտենսիվ ներքաշելու գործընթացը՝ պետք է չեզոքացվեն։ Դա Արևմուտքից իջեցված պատվեր է։