«ԵՄ-ն որևէ կերպ չի արձագանքել ՀՀ-ում ընտրություններից առաջ ընդդիմադիրների ձերբակալություններին»․ Պապուաշվիլի

Վրաստանի խորհրդարանի նախագահ Շալվա Պապուաշվիլին քննադատել է ԵՄ-ին՝ Հայաստանում ընդդիմադիր գործիչների կալանավորման վերաբերյալ լռության համար, հայտնում է Sputnik Грузия-ն։

«Հայաստանում ընտրություններից առաջ ձերբակալվել են մի քանի տասնյակ ընդդիմադիր գործիչներ, և Եվրոմիությունը որևէ կերպ չի արձագանքել այդ փաստին»,- ասել է նա։

«Եթե մեկը հանցագործություն է կատարել, նրան պետք է ձերբակալեն։ Սա է օրենքի գերակայությունը։ Եթե դա լավ է Վաշինգթոնի, Բեռլինի և Երևանի համար, ապա պետք է նույնքան լավ լինի նաև Թբիլիսիի համար»,- հավելել է նա։

Նշենք, որ Վրաստանի դատախազությունը անցած տարվա նոյեմբերին հայտարարել է ութ ընդդիմադիր քաղաքական գործիչների նկատմամբ քրեական հետապնդում սկսելու մասին: