«Հայաստանն ու Ադրբեջանը կարող են բախվել միգրացիոն ճգնաժամի»․ Եվգենի Սիսոև

Իրանի շուրջ իրավիճակի հետագա սրման ռիսկերը կարող են բացասական հետևանքներ ունենալ Իրանին սահմանակից երկրների համար, հայտարարել է ԱՊՀ հակաահաբեկչական կենտրոնի (ԱՀԿ) ղեկավար Եվգենի Սիսոևը։

«Էներգակիրների և հանքային պարարտանյութերի համաշխարհային մատակարարումների արգելափակումը, ենթակառուցվածքների օբյեկտներին ուղղված հարվածները, ինչպես նաև հետագա էսկալացիայի ռիսկերը ստեղծում են նախադրյալներ մասշտաբային աղետի համար, կարող են առաջացնել միգրացիոն մեծ գործընթացներ և մարդասիրական ճգնաժամ՝ ինչպես Լիբիայում և Իրաքում։ Դրա հետևանքներին կարող են բախվել ԱՊՀ բոլոր երկրները, և առաջին հերթին Ադրբեջանը, Հայաստանը և Թուրքմենստանը»,- նշել է նա։