«Իրականում ԵՄ-ում Հայաստանին չեն սպասում»․ Զախարովա

Եվրոմիությունն իրականում պատրաստ չէ Հայաստանին անդամակցություն տրամադրել։ Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։ «Մենք արձանագրում ենք, որ Հայաստանի իշխանություններն արագացված տեմպերով շարժվել են դեպի Եվրոպական միություն՝ խոսքերով, հայտարարություններով և որոշ գործողություններով, ամեն կերպ դա ցուցադրելով։ Արդյոք նրանց սպասում են այնտեղ։ Ինչքա՞ն կարելի է այս հռետորական հարցը տալ։ Իմ կարծիքով՝ պատասխանն արդեն ակնհայտ է՝ անգամ նրանց չեն սպասում, ովքեր թեկնածուներ էին։ Իսկ եթե առհասարակ չկա թեկնածությանը մոտ որևէ կարգավիճակ, ապա ակնհայտ է, որ ոչ ոք չի սպասում»,- նկատել է նա։