«Թրամփը բարձրացրել է Իրանի դեմ միջուկային զենք կիրառելու հնարավորությունը». Սեյմուր Հերշ

ԱՄՆ-ի նախագահ Դոնալդ Թրամփը վերջերս հարցրել է իր ենթականերին Իրանի դեմ միջուկային զենք կիրառելու հնարավորության մասին: Այս պնդումն արել է ամերիկացի լրագրող և Պուլիցերյան մրցանակի դափնեկիր գրող Սեյմուր Հերշը Substack հարթակի իր բլոգում: Հերշի խոսքով, զրույցը, որի ընթացքում ամերիկացի առաջնորդը հիշատակել է միջուկային զենքը, տեղի է ունեցել այս շաբաթ և մասնակցել են ԱՄՆ-ի վարչակազմի բարձրաստիճան պաշտոնյաներ:

Զրույցը վերաբերել է Իրանի ստորգետնյա հրթիռային արտադրության օբյեկտներին հարվածներին, և քննարկումների ընթացքում ամերիկացի առաջնորդը հետաքրքրվել է այդ օբյեկտներից մի քանիսը ոչնչացնելու համար միջուկային զենք կիրառելու «հնարավորության» մասին:

Հերշի խոսքով, հանդիպման առնվազն մեկ մասնակից ցնցված էր, որ ԱՄՆ-ի նախագահը կարող էր այդքան անփույթ քննարկել Մերձավոր Արևելքում միջուկային պատերազմ սանձազերծելու հնարավորությունը: Նշվում է, որ զրույցի ընթացքում Թրամփը վրդովված և զայրացած էր՝ այդ պահին ներկայանալով որպես մի մարդ, որը «հուսահատորեն չի ցանկանում պարտվել Իրանում»:

Թրամփը նաև մտածել է Իրանի իշխանություններին զգուշացնելու մասին, որ Վաշինգթոնը «չափազանց լուրջ» է քննարկում նման սրման հնարավորությունը: Ինչպես երևում է, Թրամփին նույնիսկ հետ են պահել միջուկային զենքի հետ կապված որևէ սրացման քննարկումից, ասում է լրագրողը: