«Թրամփը հրաժարվել է Իրանին հարվածելու մտադրությունից՝ Կատարի պաշտոնյաների հավաստիացումներից հետո»․ #Politico

ԱՄՆ նախագահ Դոնալդ Թրամփը հրաժարվել է գիշերը Իրանին հարված հասցնելու մտադրությունից, երբ Կատարի, ԱՄԷ-ի և Պակիստանի բարձրաստիճան պաշտոնյաները համոզել են նրան, որ համաձայնագիրը Իսլամական Հանրապետության հետ արդեն մոտ է, հայտնում է Politico-ն հղում կատարելով Թրամփի վարչակազմի երկու պաշտոնյաների և խոսակցություններին տեղյակ դիվանագետի։

Աղբյուրների հաղորդմամբ՝ Թրամփը զանգեր է ստացել Կատարի էմիր Թամիմ բին Համադ Ալ Թանիից, ԱՄԷ նախագահ Մուհամմադ բին Զայեդ ալ Նահյանից և Պակիստանի բանակի գլխավոր ֆելդմարշալ Ասիմ Մունիրից։

Աղբյուրները հայտնել են, որ վիճելի հարցերից մնացել է միայն Հորմուզի նեղուցի բացումը և ԱՄՆ-ի կողմից շրջափակման դադարեցումը։ Politico-ի տվյալներով՝ բանակցությունների շրջանակներում ԱՄՆ-ն և Իրանը քննարկել են Թեհրանին՝ Կատարում և այլ վայրերում իր միջոցներին հասանելիության տրամադրումը՝ ընդհանուր առմամբ ավելի քան 16 միլիարդ դոլարի չափով։