«Զանգեզուրի միջանցքը կդառնա Միջին միջանցքի առանցքային հատվածներից մեկը»․ Ալիև

Շուշիում անցկացվող «Տարածաշրջանային ներդրումը գլոբալ անվտանգության գործում. խաղաղության կառուցումը Հարավային Կովկասում» թեմայով միջազգային համաժողովի ժամանակ Ադրբեջանի նախագահ Իլհամ Ալիևը նշել է, որ անցյալ տարի Վաշինգթոնում՝ ԱՄՆ նախագահ Դոնալդ Թրամփի ներկայությամբ, Ադրբեջանի և Հայաստանի ղեկավարների միջև ստորագրված համատեղ հռչակագիրը, ինչպես նաև խաղաղության համաձայնագրի նախաստորագրումը լիովին փոխել են իրավիճակը Հարավային Կովկասում։ «Այս համատեքստում իրականացվող Զանգեզուրի միջանցքը կկապի Ադրբեջանի հիմնական մասը նրա Նախիջևանի տարածաշրջանի հետ, ինչպես նաև կդառնա Միջին միջանցքի գլխավոր հատվածներից մեկը»,- ասվում է ուղերձում։