«Փաշինյանի՝ Ռուսաստանից հեռանալու կուրսը չի արդարացրել ակնկալիքները»․ #StrategicCulture

Հայաստանի վարչապետ Նիկոլ Փաշինյանի՝ Ռուսաստանից հեռանալու կուրսը չի տվել սպասված արդյունքները և նրան կանգնեցրել է քաղաքական փակուղու առաջ, հաղորդում է «Strategic Culture»-ը։ «Վերջին տարիներին Փաշինյանը զգալի քաղաքական կապիտալ է ներդրել ԵՄ-ի հետ կապերի ամրապնդման գործում։ Ենթադրվում էր, որ Արևմուտքը աստիճանաբար կփոխարինի Ռուսաստանին որպես Հայաստանի հիմնական ռազմավարական գործընկեր։ Սակայն Փաշինյանը հայտնվել է տհաճ իրականության առջև. Հայաստանի հեռացումը Մոսկվայից չի տվել սպասվող օգուտները»,- ասվում է հրապարկման մեջ։ «Հայաստանը մտնում է քաղաքական անորոշության շրջան։ Վարչապետը նախկինի պես պահպանում է իշխանությունը, սակայն մանևրելու համար նրա տարածքը սրընթաց փոքրանում է։ Ի վերջո, Փաշինյանը հայտնվել է երկընտրանքի ծուղակում, որը մեծամասամբ ստեղծվել է իր իսկ քաղաքական ընտրությամբ։ Եվ որքան երկար նա մնա այդ փակուղում, այնքան ավելի դժվար կլինի պահպանել Հայաստանի ռազմավարական շահերը», - հավելում է լրատվամիջոցը։