«ՆԱՏՕ-ի և ՌԴ-ի միջև բախումը կարող է վերաճել միջուկային հարվածների փոխանակման»․ Լավրով

ՌԴ ԱԳ նախարար Սերգեյ Լավրովը հայտարարել է, որ Եվրոպան «շարունակում է երազել ընդլայնման մասին», «մտադիր է յուրացնել Ուկրաինան և Մոլդովան, իր ուղեծիր է ներքաշում Հայաստանը», իսկ ՆԱՏՕ-ն «կուլ է տվել» Ֆինլանդիային և Շվեդիային։ Ուկրաինան դիտարկվում է որպես եվրոպական զինված ուժերի ապագա «հարվածային բռունցք», որն ինքնուրույն կլինի ԱՄՆ-ից և ՆԱՏՕ-ից։

«Նման իրավիճակը լուրջ ռիսկեր է պարունակում համաշխարհային անվտանգության համար, քանի որ ՆԱՏՕ-ի և Ռուսաստանի միջև ուղիղ բախումը կարող է արագ վերաճել միջուկային հարվածների փոխանակման՝ աղետալի հետևանքներով»,- գրել է Լավրովն իր «Ուկրաինա, Եվրոպա և համաշխարհային անվտանգություն» հոդվածում, որը հրապարակվել է «Միջազգային կյանք» ամսագրում։

ՌԴ ԱԳՆ-ում նշել են, որ հոդվածն ի սկզբանե նախատեսված էր հրապարակման համար եվրոպական Politico Europe-ի կողմից, սակայն վերջին պահին խմբագրության որոշմամբ հրապարակումը չեղարկվել է: