«Կարևոր է, որ Իսրայելը հարգի Լիբանանի ինքնիշխանությունն ու տարածքային ամբողջականությունը». ֆոն դեր Լայեն

Եվրոպական հանձնաժողովի նախագահ Ուրսուլա ֆոն դեր Լայենը կոչ է արել Իսրայելին հարգել Լիբանանի ինքնիշխանությունն ու տարածքային ամբողջականությունը։

«Լիբանանում տեղի ունեցողը խորը մտահոգություն է առաջացնում ԵՄ-ում։ Կարևոր է, որ Իսրայելը հարգի Լիբանանի ինքնիշխանությունն ու տարածքային ամբողջականությունը», - ասել է նա ԵՄ գագաթնաժողովի եզրափակիչ մամուլի ասուլիսում։
Իր բացման խոսքում և լրագրողների հարցերին պատասխանելիս նա չի հայտնել, թե արդյոք ԵՄ գագաթնաժողովում քննարկվել են Իսրայելի կամ նրա կառավարության առանձին անդամների դեմ պատժամիջոցները, որոնց կոչերն ավելի վաղ հնչել էին Եվրոմիության տարբեր երկրներում: