«Իսրայելին սպասվում է 2000թ. իրադարձությունների կրկնություն, եթե ՑԱՀԱԼ-ը չլքի Լիբանանի հարավը»․ ԻՀՊԿ

692

Երկուշաբթի, 22 հունիսի, 2026 թ., 10:30

Իսրայելցի զինվորականներին սպասվում է 2000 թվականի իրադարձությունների կրկնություն, եթե նրանք ինքնուրույն չլքեն Լիբանանի հարավը, հայտարարել է Իսլամական հեղափոխության պահապանների կորպուսի (ԻՀՊԿ) «Ղոդս» ուժերի հրամանատար Իսմայիլ Քաանին։

«Եթե դուք ինքներդ չլքեք հարավային Լիբանանը, 2000 թվականի էպիկական պատմությունը կկրկնվի։ Այդ տարի դուք խայտառակ կերպով լքեցիք այդ հողը... Այսօր, եթե շարունակեք ագրեսիան և օկուպացիան, ձեզ վռնդելու են նվաստացմամբ և պարտությամբ: Ընտրությունը ձերն է»,- նրա խոսքերը մեջբերում է իրանական Press TV-ն։

Ինչպես նշում է լրատվամիջոցը, «2000 թվականի էպիկական պատմություն» ասելով Քաանին նկատի ունի իսրայելական զորքերի հարկադրված դուրսբերումը Լիբանանի հարավից։