Գյումրի-Մոսկվա չվերթն իրականացնող ինքնաթիռը տագնապի ազդանշան է տվել

Գյումրիից Մոսկվա չվերթ իրականացնող ուղևորատար ինքնաթիռը տագնապի ազդանշան է տվել և սկսել իջնել։ ТАСС-ի հաղորդմամբ՝ այս մասին վկայում են Flightradar ծառայության տվյալները։
Boeing ինքնաթիռը Գյումրիից օդ է բարձրացել Մոսկվայի ժամանակով ժամը 11:24-ին (Երևանի ժամանակով 12:24-ին)։ Թռիչքից մոտ մեկ ժամ անց, Դաղստանի օդային տարածքում գտնվելիս, այն տվել է general emergency (ընդհանուր արտակարգ իրավիճակ) ազդանշան։

SHOT թելեգրամյան ալիքի հաղորդմամբ՝ «Պոբեդա» ավիաընկերության ինքնաթիռը պատրաստվում է վայրէջք կատարել Մախաչկալայի օդանավակայանում։