«Հայաստանն ակնկալում է, որ Թուրքիայի և Ադրբեջանի հետ սահմանները կբացվեն մինչև 2030 թվականը». Վահան Կոստանյան. #Report

Հայաստանն ակնկալում է, որ մինչև 2030 թվականը կբացվեն սահմաններն ու տրանսպորտային հաղորդակցությունները Թուրքիայի և Ադրբեջանի հետ, ինչը հնարավորություն կտա Հարավային Կովկասը դարձնել առանցքային կապող օղակ Եվրոպայի և Կենտրոնական Ասիայի միջև։ Ադրբեջանական Report-ի հաղորդմամբ՝ այս մասին հայտարարել է ՀՀ ԱԳ փոխնախարար Վահան Կոստանյանը։

Կոստանյանի խոսքով, հաղորդակցությունների բացումը կարող է տեղի ունենալ ավելի շուտ, քանի որ Երևանը շարունակում է աշխատել տարածաշրջանային տրանսպորտային նախագծերի վրա և հարևան երկրների կողմից ավելի բաց լինելու նշաններ է տեսնում:

«Մեր տեսլականն այն է, որ մինչև 2030 թվականը կունենանք բաց հաղորդակցություններ և բաց սահմաններ երկու հարևանների՝ Թուրքիայի և Ադրբեջանի հետ»,- ասել է Կոստանյանը։

Նա նշել է, որ Հայաստանը, իր ամերիկացի գործընկերների հետ միասին, ավարտում է «Թրամփի ուղի» (TRIPP) նախագծի մեկնարկի իրավական նախապատրաստական ​​աշխատանքները, որը կարող է փոխել Հարավային Կովկասի տրանսպորտային քարտեզը և ընդլայնել Եվրոպայի և Կենտրոնական Ասիայի միջև կապերը: Նաև պատրաստվում է նախագծի տեխնիկատնտեսական հիմնավորում, որը հիմնականում կենտրոնանում է երկաթուղային բաղադրիչի վրա: Փոխնախարարի խոսքով՝ Հայաստանը համագործակցում է նաև Եվրոմիության հետ իր տրանսպորտային ենթակառուցվածքների արդիականացման հարցում, ներառյալ նոր սահմանային անցակետերի կառուցումը և ավտոմոբիլային ճանապարհների զարգացումը՝ ապագա տարանցիկ փոխադրումներն ավելացնելու համար։