«ԱՊՀ-ն մշտապես ենթարկվում է հիբրիդային հարձակումների»․ Սերգեյ Լեբեդև

Անկախ Պետությունների Համագործակցությունը մշտապես ենթարկվում է հիբրիդային հարձակումների աշխարհաքաղաքական հակառակորդների կողմից, հայտարարել է ԱՊՀ գլխավոր քարտուղար Սերգեյ Լեբեդևը, հաղորդում է РИА Новости-ին։

«Այսօր ինքնիշխանության համար հիմնական մարտերը ծավալվում են թվային և տեղեկատվական հարթակներում։ ԱՊՀ տարածքը մշտապես գտնվում է հիբրիդային հարձակումների թիրախում՝ աշխարհաքաղաքական հակառակորդների կողմից։ Մենք արձանագրում ենք մեր պետությունների կրիտիկական տեղեկատվական ենթակառուցվածքների, այդ թվում՝ պետական կառավարման, էներգետիկայի և տրանսպորտային համակարգերի կոտրման կանոնավոր փորձեր»,– նշել է նա։

Նրա խոսքով՝ ի պատասխան դրան, ԱՊՀ շրջանակներում իրականացվում է լայնածավալ աշխատանք՝ տեխնոլոգիական և թվային ինքնիշխանության ամրապնդման ուղղությամբ։