«Օմանը դիտարկում է Հորմուզի նեղուցով նավերի անցման համար վճար սահմանելու հնարավորությունը». #Bloomberg

Օմանը դիտարկում է Հորմուզի նեղուցով նավերի անցման համար վճար սահմանելու հնարավորությունը։ Սուլթանությունը եվրոպացի պաշտոնյաներին հայտարարել է, որ վերադարձը մինչև պատերազմը գոյություն ունեցող նավագնացության ռեժիմին անհնար է, հայտնում է Bloomberg-ը՝ հղում կատարելով իր աղբյուրներին:

Լրատվամիջոցի տվյալներով՝ Օմանի իշխանությունները հայտարարել են, որ կշարունակեն պահպանել միջազգային ծովային իրավունքը, սակայն կարող են վճարներ գանձել ծառայությունների համար, որոնք կապված են, մասնավորապես, նավերի ուղեկցման և ջրի աղտոտվածության վերացման հետ:

Bloomberg-ը նշում է, որ դեռևս պարզ չէ՝ արդյո՞ք նման վճարումները պարտադիր կլինեն: Միևնույն ժամանակ, ԱՄՆ, եվրոպական երկրները և Պարսից ծոցի արաբական երկրները մտահոգություն են հայտնել, որ Օմանը և Իրանը կարող են ստեղծել Հորմուզի նեղուցով անցման համար համատեղ վճարովի համակարգ: