Անթալիայում որպես պահեստ օգտագործվող ջերմոցում հրդեհ է բռնկվել

Հրդեհ է բռնկվել Անթալիա նահանգի Մանավգաթ շրջանի ջերմոցում, որն օգտագործվում էր որպես պահեստային տարածք: Այս մասին հաղորդում է TRT Haber-ը։

Նշվում է, որ ներսում գտնվող մոտոցիկլետի պահեստամասերն ու վառելիքը նպաստել են, որ կրակը կարճ ժամանակում մեծ մասշտաբների հասնի։ Հրդեհի մարման աշխատանքների ավարտից հետո պարզվել է, որ ջերմոցը և այնտեղ գտնվող նյութերն ամբողջությամբ այրվել են։ Հրդեհի պատճառը դեռևս հայտնի չէ։