«Թեհրանը Դոհայի հետ բանակցություններ կվարի՝ ԱՄՆ-ի հետ հուշագրի իրականացման շուրջ»․ Բաղայի

Իրանը, հավանաբար, վաղը բանակցություններ կվարի Կատարի հետ՝ որպես միջնորդ ԱՄՆ-ի հետ իրանա-ամերիկյան հուշագրի իրականացման շուրջ երկխոսության շրջանակում, հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային:

«Առաջիկա օրերին որևէ մակարդակով ԱՄՆ ներկայացուցիչների հետ հանդիպումներ անցկացնելու ծրագիր չունենք։ Այն, ինչ, հավանաբար, վաղը տեղի կունենա Դոհայում, հուշագրի դրույթների իրականացման շուրջ բանակցություններն են, մասնավորապես՝ իրանական ակտիվների ապաշրջափակման հարցի վերաբերյալ։ Սակայն այդ բանակցությունները կանցկացվեն Կատարի հետ»,- ճեպազրույցի ընթացքում հայտարարել է Բաղային։

Նա նաև հույս է հայտնել, որ Իրանը կկարողանա արդյունքների հասնել ակտիվների ապաշրջափակման հարցում։