«Հորմուզի նեղուցով անցնելու համար վճարներ չեն գանձվի»․ Վենս

ԱՄՆ փոխնախագահ Ջեյ Դի Վենսը վստահություն է հայտնել, որ Հորմուզի նեղուցով անցնելու համար վճարներ չեն գանձվի:

Լրագրող Մայքլ Նոուլզի հետ հարցազրույցում նա նշել է, որ ԱՄՆ-ն դեռևս Իրանի վրա ազդեցության բազմաթիվ լծակներ ունի, որպեսզի Իսլամական Հանրապետության հետ կապված իրավիճակը լուծվի ԱՄՆ-ի համար ցանկալի արդյունքով։

Ավելի վաղ The New York Times-ը հայտնել էր, որ Օմանը պաշտոնական առաջարկ է փոխանցել ԱՄՆ-ին և արևմտյան այլ երկրներին՝ Հորմուզի նեղուցով նավերի անցման համար վճար սահմանելու մասին: Պարբերականի տվյալներով՝ առաջարկը նախատեսում է նեղուցն օգտագործելու համար բեռնափոխադրող ընկերություններից սպասարկման վճարների գանձում: