«ԵՄ աշխատանքը Հարավային Կովկասում թևակոխել է նոր փուլ»․ Մարթա Կոս

Եվրոմիությունը բարձր մակարդակի բանակցություններ է անցկացրել Անկարայում, Բաքվում և Երևանում՝ տարածաշրջանային կապակցվածության զարգացման նպատակով։ Այս մասին X-ի իր էջում գրել է ԵՄ ընդլայնման հարցերով հանձնակատար Մարթա Կոսը։

«Ես նոր եմ վերադարձել Թուրքիայից, Ադրբեջանից և Հայաստանից, որտեղ մենք մեր աշխատանքը կապակցվածության զարգացման ուղղությամբ տեղափոխեցինք հաջորդ փուլ։ Սա կարող է նպաստել Հարավային Կովկասում կայուն խաղաղության հաստատմանը՝ միաժամանակ դիվերսիֆիկացնելով Եվրոպայի և Ասիայի միջև առևտրային ու էներգետիկ երթուղիները։ Փոխկապակցվածության ընդլայնումն ու զարգացումը ընթանում են զուգահեռ։ Երկուսն էլ նպաստում են Եվրոպայի կայունության, բարգավաճման և անվտանգության ամրապնդմանը»,- նշել է Կոսը։