ՌԴ-ն զանգվածային հարված է հասցրել Կիևին․ կան զոհեր

2602

Երկուշաբթի, 06 հուլիսի, 2026 թ., 10:51

Գիշերը ռուսական հրթիռների և անօդաչու թռչող սարքերի նոր ալիքը կրկին թիրախավորել է Ուկրաինայի մայրաքաղաք Կիևը։ Հարձակումը շարունակվել է նաև վաղ առավոտյան։ Զոհվել է առնվազն 11 մարդ, ևս 46-ը վիրավոր է։ Վիրավորների թվում կա հինգ երեխա։

Պոդոլսկի շրջանում բնակելի շենք է մասնակիորեն փլուզվել, թելեգրամյան իր էջում հայտնել է Կիևի քաղաքային ռազմական վարչակազմի ղեկավար Տիմուր Տկաչենկոն։ Դարնիցկի շրջանում մի քանի բազմահարկ շենքեր են վնասվել. մտավախություններ կան, որ մարդիկ մնացել են փլատակների տակ։