«Սեփականության իրավունքի ոտնահարումը այդ իրավակարգի էրոզիան է»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Արևմտյան ժամանակակից իրավակարգի «սրբության սրբոցը» սեփականության իրավունքն է։
Սեփականության իրավունքի ոտնահարումը այդ իրավակարգի էրոզիան է՝ դեպի ավտորիտարիզմ։
Հայաստանում անհասկանալի են հատկապես «արևմտամետները», որ ծափահարում են իրավական դեգրադացիան և սեփականության իրավունքի անձեռնմխելիության ոչնչացումը։
Իհարկե, ես այս վիճակի պատճառը գիտեմ՝ Հայաստանում հաշված մարդիկ են իրական արևմտամետ, իսկ մյուսները ընդամենը բաժին հասած դերն են խաղում։
Իրական արժեքահեն հասարակության համար չի կարող անձով պայմանավորված ընդունելի լինել անօրինականությունը, իսկ Հայաստանում՝ ծափահարողներ շատ կգտնեք։
Իսկ դուք քաղաքակրթության վախճանն էլ ինչպե՞ս եք պատկերացնում...»։