«Ուկրաինան ակնկալում է ՆԱՏՕ-ի արդյունավետ գագաթնաժողով»․ Զելենսկի

Ուկրաինան ակնկալում է ՆԱՏՕ-ի արդյունավետ գագաթնաժողով Անկարայում, հայտարարել է Վլադիմիր Զելենսկին։

«Առջևում կարևոր աշխատանք է Անկարայում։ Մենք ակնկալում ենք ՆԱՏՕ-ի հզոր և արդյունավետ գագաթնաժողով։ Հիմա անհրաժեշտ են որոշումներ, որոնք կապահովեն մեր ժողովրդի ավելի մեծ պաշտպանություն, ավելի շատ հնարավորություններ մեր պաշտպանության համար և Ուկրաինայի, Եվրոպայի ու Ամերիկայի միջև անվտանգության ոլորտում ավելի սերտ փոխգործակցություն»,- գրել է Զելենսկին՝ թելեգրամյան ալիքում։

Նա նաև նշել է, որ նախատեսված է մոտ երկու տասնյակ երկկողմ հանդիպումներ առաջնորդների հետ։

«Մենք շարունակելու ենք հետևողականորեն աշխատել Ուկրաինայի հակաօդային պաշտպանության ամրապնդման ուղղությամբ։ Նոր համակարգերը, դրանց համար նախատեսված հրթիռները, ինչպես նաև դրանց արտադրության լիցենզավորման հարցերը մեր առաջնահերթություններից են։ Շնորհակալ ենք բոլոր նրանց, ովքեր Ուկրաինային աջակցում են իրական քայլերով»,- նշել է Զելենսկին։