«Իսրայելը ցանկանում է և մտադիր է դուրս բերել իր զորքերը Լիբանանից». Թրամփ

ԱՄՆ-ի նախագահ Դոնալդ Թրամփը կարծում է, որ Իսրայելը մտադիր է դուրս բերել իր զորքերը հարավային Լիբանանից և դա կանի։
«Ես խոսել եմ Բիբիի (Իսրայելի վարչապետ Բենիամին Նեթանյահուի) հետ այս մասին։ Կարծում եմ՝ նրանք դա կանեն, կարծում եմ՝ նրանք ուզում են դա անել», - ասել է Թրամփը Սիրիայի ժամանակավոր նախագահ Ահմեդ ալ-Շարաայի հետ հանդիպման ժամանակ։

«Մենք համաձայնություն ունենք, և դա վերջնական նպատակն է»,- հավելել է ԱՄՆ-ի պետքարտուղար Մարկո Ռուբիոն։

Հունիսի 26-ին Լիբանանը և Իսրայելը շրջանակային համաձայնագիր են ստորագրել ԱՄՆ-ի հովանու ներքո Վաշինգթոնում կայացած հինգ փուլերի բանակցություններից հետո։ Համաձայնագրի համաձայն՝ Լիբանանի զինված ուժերն աստիճանաբար կվերականգնեն «երկրի ամբողջ տարածքի վրա արդյունավետ ինքնիշխան վերահսկողությունը»։ Ոչ կառավարական խմբավորումները կզինաթափվեն, իսկ նրանց ռազմական ենթակառուցվածքները կքանդվեն, ինչը կհեշտացնի իսրայելական զորքերի դուրսբերումը հարավային Լիբանանից։