Պայթյուններ են տեղի ունեցել Իրանի Քոնարաք և Չաբահար քաղաքներում

Պայթյուններ են տեղի ունեցել Իրանի հարավում գտնվող Քոնարաք և Չաբահար քաղաքներում, հաղորդել է իրանական «Մեհր» լրատվական գործակալությունը։
Ավելի վաղ իրանական լրատվամիջոցները հաղորդել էին Իրանի Սիրիկ և Բանդար Աբբաս քաղաքներում տեղի ունեցած պայթյունների մասին։ Վերջինում, ըստ «Մեհրի», հակաօդային պաշտպանության համակարգերը կրակ են բացել քաղաքի երկնքում գտնվող թշնամու թիրախների վրա։
«Պայթյուններ են լսվել Քոնարաք և Չաբահար քաղաքներում», - նշվում է հաղորդագրության մեջ։ Չորեքշաբթի գիշերն ԱՄՆ-ի զինված ուժերը մի շարք հզոր հարվածներ են հասցրել Իրանին։ ԱՄՆ-ի կենտրոնական հրամանատարությունը պնդել է, որ սա պատասխան է Հորմուզի նեղուցով անցնող առևտրային նավերի դեմ Իրանի գործողություններին։ Իրանի զինված ուժերը հաղորդել են Բահրեյնում և Քուվեյթում գտնվող ամերիկյան բազաների դեմ պատասխան հարվածների մասին, իսկ Իրանի իշխանությունները մեղադրել են Վաշինգթոնին հրադադարի համաձայնագիրը խախտելու համար։