ԻՀՊԿ-ն հարվածներ է հասցրել Քուվեյթում և Բահրեյնում գտնվող ԱՄՆ-ի ռազմաբազաներին

Այսօր, 10:29

ԻՀՊԿ-ն հարվածներ է հասցրել Քուվեյթում և Բահրեյնում տեղակայված ամերիկյան չորս ռազմաբազաների։

«Պայմանավորվածությունները խախտողներին պատասխան պատժիչ գործողությունների առաջին փուլում ԻՀՊԿ-ի ռազմածովային և օդատիեզերական ուժերը համատեղ գործողություն են իրականացրել՝ խոցելով առանցքային ենթակառուցվածքներ ամերիկյան «Արիֆջան» և «Ալի աս-Սալեմ» ռազմաբազաներում՝ Քուվեյթում, ինչպես նաև «Ալ-Ջուֆեյր» և «Շեյխ Իսա» ռազմաբազաներում՝ Բահրեյնում, հակառակորդի կողմից երկրի տարբեր շրջաններին հարվածներ հասցնելուց մի քանի ժամ անց», - զինվորականների հայտարարությունը մեջբերում է Press TV-ն։

Նրանք նաև սպառնացել են ընդլայնել տարածաշրջանում ԱՄՆ-ի օբյեկտների դեմ հարվածները, եթե ԱՄՆ-ի կողմից ագրեսիան չդադարեցվի։

Նշենք, որ գիշերը ԱՄՆ-ն նոր հարվածներ է հասցրել Իրանին։