«ԱՄՆ-ն պատրաստ է նոր հարվածներ հասցնել Իրանին, բայց ցանկանում է հնարավորություն տալ դիվանագիտությանը»․ #CNN

Բանակցություններ են ընթանում ԱՄՆ-ի և Իրանի միջև լարվածությունը թուլացնելու նպատակով։ Այս մասին հայտնում է CNN-ը՝ հղում կատարելով աղբյուրներին։

Աղբյուրներից մեկի հաղորդմամբ՝ ԱՄՆ-ն միտումնավոր հարվածներ է հասցնում, ապա դադար է վերցնում՝ խուսափելով իրավիճակի սրացումից։

CNN-ի հետ զրույցում մի քանի պաշտոնյաներ նշել են, որ անհրաժեշտության դեպքում այս գիշեր ԱՄՆ-ն պատրաստ է հարվածներ հասցնել, սակայն առայժմ առաջնահերթությունը տրվել է դիվանագիտական գործընթացին։ Նշվում է, որ ավելի վաղ «Աբրահամ Լինքոլն» ավիակրի անձնակազմը զինամթերք էր բեռնում կործանիչների վրա, իսկ օդաչուները վարժանքներ էին անցկացնում՝ նախապատրաստվելով հնարավոր հարվածներին։

Ավելի վաղ Reuters-ը, հղում կատարելով ամերիկյան վարչակազմի ներկայացուցչին, նույնպես հայտնել էր, որ ԱՄՆ-ի և Իրանի ներկայացուցիչների միջև տեխնիկական խորհրդակցությունները շարունակվում են։