«Ռուսաստանը կշարունակի Անկարայի հետ շփումները Ս-400-ների վաճառքի հարցով»․ Պեսկով

Մոսկվան Անկարայի հետ շփումների մեջ է Թուրքիային ավելի վաղ մատակարարված Ս-400 զենիթահրթիռային համալիրների հետագա ճակատագրի հարցով։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը՝ պատասխանելով այն հարցին, թե արդյոք Թուրքիան դիմել է Ռուսաստանին՝ ռուսական Ս-400 զենիթահրթիռային համալիրները վաճառելու թույլտվություն ստանալու համար։

«Կարող եմ միայն ասել, որ այս թեման չափազանց զգայուն է։ Մենք այս հարցով կապի մեջ ենք եղել թուրքական կողմի հետ և կշարունակենք շփումները»,- հայտարարել է Պեսկովը։ Այսպես նա մեկնաբանել է Hürriyet-ի հրապարակումը՝ Թուրքիայի կողմից այդ համակարգերը Պարսից ծոցի երկրներից մեկին վերավաճառելու մասին