«Ռուսական ուժերը կրկին հարվածել են քաղաքացիական օբյեկտների»․ Զելենսկի

Այսօր, 12:33

Այսօր ռուսական ուժերը կրկին հարվածներ են հասցրել բացառապես քաղաքացիական օբյեկտների՝ Օդեսայում՝ սովորական ուղևորատար ավտոբուսների, Զապորոժիեում՝ բնակելի շենքերի, իսկ Խարկովի մարզում՝ հիվանդանոցի։ Այս պատերազմի յուրաքանչյուր օրը միայն ապացուցում է, որ Ուկրաինային աջակցելը ճիշտ քայլ է բոլոր տեսանկյուններից՝ պաշտպանական, քաղաքական և պարզապես մարդկային։ Այս մասին հայտարարել է Ուկրաինայի նախագահ Վլադիմիր Զելենսկին։

«Եվ ամբողջ աշխարհում բոլորը դա տեսնում են։ Նրանք տեսնում են, որ Ուկրաինային անհրաժեշտ է ավելի շատ հակաօդային պաշտպանություն, մարդկանց կյանքը պաշտպանելու ավելի մեծ միջոցներ, և որ Ռուսաստանի իշխանություններն այս պատերազմի հարցում կորցրել են ողջամտությունը և հրաժարվում են այն ավարտել: Սակայն Ռուսաստանի նկատմամբ ճնշումը պետք է գործի։ Ագրեսորի դեմ նոր պատժամիջոցները, Ուկրաինային աջակցության նոր փաթեթները, ինչպես նաև նոր նախաձեռնությունները՝ այդ թվում մեր եվրոպական հակաբալիստիկ նախաձեռնությունը՝ FREYJA-ն, պետք է տան իրենց արդյունքը»,- X-ի իր էջում նշել է նա։

Today, the Russians once again "vanquished" purely civilian sites – ordinary passenger buses in Odesa, ordinary apartment buildings in Zaporizhzhia, and an ordinary hospital in the Kharkiv region. Every single day of this war that Russia is waging against life only proves that… pic.twitter.com/l4WrHEQ0u2
— Volodymyr Zelenskyy / Володимир Зеленський (@ZelenskyyUa) July 13, 2026