«ԱՄՆ-ն խոչընդոտում է Իրանի և Օմանի՝ Հորմուզի նեղուցի կառավարման համատեղ մեխանիզմ մշակելու ջանքերին»․ Բաղայի

Իրանի ԱԳՆ-ի պաշտոնական ներկայացուցիչ Էսմայիլ Բաղային հայտարարել է, որ ԱՄՆ-ն խոչընդոտում է Իրանի և Օմանի՝ Հորմուզի նեղուցի կառավարման համատեղ մեխանիզմ մշակելու ջանքերին։

«Մենք Օմանի հետ խորհրդակցությունների շրջանակում փորձել ենք մշակել մեխանիզմ, որը կապահովեր նավերի անվտանգ անցումը Հորմուզի նեղուցով։ Ցավոք, ԱՄՆ-ի կողմից Օմանի նկատմամբ գործադրվող բացահայտ և թաքնված ճնշման պատճառով դա հնարավոր չեղավ իրականացնել», — ասել է նա ճեպազրույցի ժամանակ։

Նա նաև նշել է, որ Թեհրանը թույլ չի տա Հորմուզի նեղուցը դարձնել մի գոտի, որը սպառնալիք կներկայացնի Իրանի ազգային անվտանգությանը։ Բաղայիի խոսքով՝ Հորմուզի նեղուցով նավերի ուղեկցման մասին հայտարարությունները ցույց են տալիս ԱՄՆ-ի՝ տարածաշրջանի անվտանգությունը հետագայում ևս խաթարելու ձգտումը։