«Իրանը Հորմուզի նեղուցի լիարժեք վերահսկողության հարցում որևէ զիջման պատրաստ չէ»․ Վարդան Ոսկանյան

Իրանագետ Վարդան Ոսկանյանի թելեգրամյան գրառումը․ «Իրանի և ԱՄՆ-ի միջև հակամարտությունն իրանական կողմը փաստացիորեն վերափոխել է Հորմուզի նեղուցի համար պայքարի։

Այսինքն Իրանն, ըստ էության, վարում է հարձակողական գործողություններ՝ պահպանելու համար ջրային այս կենսական ուղու ամբողջական վերահսկողությունը, որն իրանական կողմը չի ունեցել մինչև 40-օրյա պատերազմը։

Այսօր իրանական կողմն իրականացրել է Բահրեյնում տեղակայված ամերիկյան ռազմական ենթակառուցվածքներին ամենազանգվածային հարվածներից մեկը, իսկ Օմանի մայրաքաղաքի երկինքն ականատես է եղել իրանական հրթիռների աննախադեպ «հրավառության»։

Իրանը փորձելու է իր ունեցած ողջ ներուժով վերջնականապես ամրագրել Հորմուզի նեղուցի նկատմամբ փաստացի լիարժեք վերահսկողությունը և այս հարցում որևէ զիջման պատրաստ չէ։

Կադրերում Օմանի մայրաքաղաքի երկինքն է»։