Ռուբիոն Հորդանանի ԱԳ նախարարի հետ քննարկել է Իրանի շուրջ ստեղծված իրավիճակը

ԱՄՆ պետքարտուղար Մարկո Ռուբիոն Հորդանանի արտաքին գործերի նախարար Այման ալ-Սաֆադիի հետ Վաշինգթոնում կայացած հանդիպման ժամանակ քննարկել է Իրանի շուրջ ստեղծված իրավիճակը, հայտնում է Պետդեպարտամենտի պաշտոնական ներկայացուցիչ Թոմի Պիգոթը։

Նրա խոսքով կողմերը «քննարկել են երկկողմ և տարածաշրջանային մի շարք հարցեր, այդ թվում՝ Իրանի կողմից նավերի և տարածաշրջանի երկրների վրա շարունակվող հարձակումները»։ «Պետքարտուղարը դատապարտել է այդ հարձակումները, այդ թվում՝ Իրանի կողմից Հորդանանի տարածքին ուղղված անընդունելի հարվածները։ Պետքարտուղարը նաև շնորհակալություն է հայտնել նախարար Սաֆադիին Հորդանանի կարևոր դերի համար տարածաշրջանային անվտանգության ամրապնդման գործում»,- նշել Պիգոթը։